23.5 C
Manchester
23 July 2021
Image default
விளையாட்டு

ஒரு நாள் கிரிக்கெட்டில் இதுவரை சிக்சரே விளாசாத வீரர்களை தெரியுமா? இலங்கை, இந்திய வீரர் கூட இருக்காங்க

ரசிகர்கள் அதிகம் கிரிக்கெட்டில் விரும்புவது வானவேடிக்கையான சிக்சர்களை தான்! ஒருநாள், டி20 போட்டிகளில் பேட்ஸ்மேன்கள் அவ்வப்போது வானவேடிக்கை காட்டுவார்கள். தற்போது கிரிக்கெட்டின் தரம் உயர்ந்துவிட்டதால், டெஸ்டிலும்கூட அவ்வப்போது சிக்ஸர்கள் பறக்கிறது.

விரேந்தர் சேவாக், ரோஹித் ஷர்மா, ரிஷப் பந்த், கிறிஸ் கெய்ல், ஜெயசூர்யா போன்றவர்கள் ஒருநாள், டி20 கிரிக்கெட்டில் மட்டுமல்ல, டெஸ்டிலும் கூட சிக்ஸர்களை அசால்ட்டாக அடிக்கக் கூடியவர்கள்.

இந்நிலையில், ஒருநாள் கிரிக்கெட்டில் சிக்ஸர் அடிக்காத பேட்ஸ்மேன்களும் இருக்கத்தான் செய்கிறார்கள்.

அவர்களில் டாப் 3 வீரர்கள் குறித்து தற்போது பார்ப்போம்.

திலன் சமரவீரா

இலங்கை அணியைச் சேர்ந்த திலன் சமரவீரா, 1998ஆம் ஆண்டு சர்வதேச கிரிக்கெட்டிற்கு அறிமுகமாகி, முதல் போட்டியில் இந்தியாவுக்கு எதிராக விளையாடினார். இவரும், சனத் ஜெயசூர்யாவும்தான் இலங்கை அணிக்காக ஓபனர்களாக களமிறங்கி வந்தார்கள்.

சமரவீரா, ஜெயசூர்யாபோல் அதிரடியாக விளையாடக் கூடியவர் கிடையாது. மொத்தம் 53 ஒருநாள் போட்டிகளில் விளையாடிய சமரவீரா, இரண்டு சதங்கள் உட்பட 862 ரன்கள் அடித்தார். ஒரு சிக்ஸர் கூட அடிக்கவில்லை. இவரின் அதிகபட்ச ஸ்கோர் 105 ஆகும்.

காலும் பெர்குஷன்

2009ஆம் ஆண்டு அவுஸ்திரேலிய அணிக்காக அறிமுகமான காலும் பெர்குஷன், 30 ஒருநாள் போட்டிகளில் விளையாடி 41 சராசரியுடன் 663 ரன்கள் சேர்த்தார். 5 அரை சதங்களும் அடித்துள்ளார்.

இருப்பினும், இவரால் ஒரு அரை சதம் கூட அடிக்க முடியவில்லை. இவர் 2011ஆம் ஆண்டுவரை ஆஸ்திரேலிய அணிக்காக விளையாடினார்.

மனோஜ் பிரபாகர்

இந்திய அணியின் முன்னாள் ஆல்-ரவுண்டர் மனோஜ் பிரபாகர் மொத்தம் 130 ஒருநாள் போட்டிகளில் பங்கேற்று விளையாடினார். இதில் 98 இன்னிங்ஸ் களமிறங்கிய இவர் 11 அரை சதங்கள், 2 சதங்கள் உட்பட 1858 ரன்கள் குவித்தார். இருப்பினும், இவரால் ஒரு சிக்ஸர்கள் கூட அடிக்க முடியவில்லை என்பது குறிப்பிடத்தக்கது.

Related posts

ஐபிஎல் 2-வது பகுதி: டெல்லி கேப்பிட்டல்ஸ் அணிக்கு தலைவலியை ஏற்படுத்தும் ஷ்ரேயாஸ் அய்யர் வருகை

SudarSeithy

கிரிக்கெட் வீரர் பானுக்க ராஜபக்சவுக்கு ஒத்திவைக்கப்பட்ட ஒரு வருடத் தடை

SudarSeithy

“நீங்கலாம் ரசிகர்களா? எங்களுக்கு தேவையே இல்லை” இனவாதிகளுக்கு பதிலடி கொடுத்த இங்கிலாந்து கேப்டன்

SudarSeithy