18.9 C
Manchester
7 July 2022
Image default
இலங்கை

கணவரை இரகசியமாக கண்காணிக்கக்கூடாது: வடக்கு பெண் வைத்திய நிபுணருக்கு நீதிமன்றம் அதிரடி உத்தரவு!

வடமாகாணத்தில் பணியாற்றும் பெண் வைத்திய நிபுணர் ஒருவர்‌ தனது கணவரின்‌ கணினியை சட்டத்துக்குப்‌ புறம்பாகப்‌ பயன்படுத்துவதற்கும்‌ அதிலுள்ள தகவல்களைப்‌ பதிவிறக்குவதற்கும்‌ மற்றும்‌ அவரது உடமையில்‌ கண்காணிப்பு சாதனத்தை பொருத்துவதற்கும்‌ தடைவிதித்து கல்கிசை மாவட்ட நீதிமன்றம்‌ கட்டளை பிறப்பித்துள்ளது.

கல்கிசை மாவட்ட நீதிமன்றத்தில்‌ கணவர்‌ தாக்‌கல் செய்த சிறப்பு வழக்கில் இந்த தீர்ப்பளிக்கப்பட்டுள்ளது.

அவர் வீட்டில்‌ இல்லாதபோது, மனைவி தனது தனிப்‌பட்ட கணினியை சட்டத்துக்குப்‌ புறம்‌பாக தவறாக அணுகியதாகவும்‌, பல்வேறு தகவல்களை பதிவிறக்கம்‌ செய்ததுடன், தனது அறையில் ஒலிப்பதிவு கண்காணிப்பு சாதனத்தை நிறுவி தொலைபேசி உரையாடல்களை பதிவு செய்ததாகவும்‌ கணவர் குறிப்பிட்டுள்ளார்.

அதே நேரத்தில் இருவருக்கும் இடையிலான விவாகரத்து வழக்கும் அதே நீதிமன்றத்தில் நிலுவையில் உள்ளது என்றும் கூறினார்.

அவர்‌ கொழும்பில்‌ உள்ள ஒரு அரச வைத்தியசாலையில்‌ வைத்தியராக பணியாற்றுகிறார். மனைவி வடக்கு மாகாணத்தில்‌ உள்ள ஒரு அரச வைத்தியசாலையில், வைத்திய நிபுணராக பணியாற்றுகிறார்.

தனது  அனுமதியின்றி தனது வட்ஸ்‌அப்‌ கணக்கில்‌ உள்ள மின்னணு தகவல்‌ தொடர்புகளை அணுக தனது கணினியை பயன்படுத்த முயற்சித்தது, வட்ஸ்அப் தகவல் தொடர்புகள் வேண்டுமென்றே மனைவியினால் தடுக்கப்பட்டதாக கணவர் குற்றம்சாட்டினார்.

மூடப்பட்டிருக்கும் போது அறைக்குள் நுழைவதன் மூலமும், முடக்கப்பட்ட கணினிக்குள் நுழைவதன் மூலமும் வாதியின் தனியுரிமை குறித்த நியாயமான எதிர்பார்ப்பு மீறப்பட்டதாகவும், நம்பிக்கை மீறல் இருப்பதாகவும் வாதி குற்றம் சாட்டினார்.

விவகாரத்து கோரும் மனைவி, தனக்கு தீங்கு விளைவிக்கும் வகையில் நடந்து கொண்டதாக வாதி கூறினார். சட்டவிரோதமாகவும், எந்த அங்கீகாரமும் இல்லாமல் தகவல்களைச் சேகரிப்பதில் மனைவியின் நடத்தை, மின்னணு கண்காணிப்பு சாதனத்தை தனது உடைமையில் இணைப்பது போன்றவை கணினி குற்றச் சட்டம் எண் 3 மற்றும் 4 பிரிவுகளின் கீழ் குற்றம் என்றும், 2007 ஆம் ஆண்டின் 24 ஆம் இலக்க கணினி குற்றச் சட்டத்தின் 3 மற்றும் 4 பிரிவுகளின் கீழ் குற்றம் நிரூபிக்கப்பட்டால் கடுமையான அபராதம் விதிக்கப்படும் என்றும் தெரிவித்தார்.

இரு தரப்பு வாதங்களையும் கேட்ட கல்கிசை நீதிமன்ற மேலதிக மாவட்ட நீதிபதி திருமதி டி.எம்‌. கொடித்துவக்கு வழக்காளியின்‌ உடமையில்‌ உள்ள தரவுகள்‌, ஆவணங்கள்‌ மற்றும்‌ குறுஞ்செய்திகளை எதிராளி சேகரிப்ப தைத்‌ தடுக்கும்‌ கட்டளையை கடந்த 6ஆம்‌ திகதி வழங்கினார்‌. அத்துடன், சட்டத்தரணிகள் உள்ளிட்ட மூன்றாம் தரப்பினரிடம் அந்த தகவல்களை பகிர்வதோ, பரப்புவதோ கூடாதென்றும் கட்டளை பிறப்பிக்கப்பட்டது.

அத்துடன், வாதியின் அசையும், அசையா சொத்துக்களில் கண்காணிப்பு சாதனங்களை பொருத்துவதற்கும் தடை விதித்தது.

ஜூலை 15ஆம் திகதி வரை இந்த கட்டளை அமுலில் இருக்கும்.

 

 

Related posts

றம்புக்கணை துப்பாக்கி சூடு சம்பவம் தொடர்பில் அதிரடி உத்தரவு!

SudarSeithy

பல்கலைக்கழக வேந்தராகும் தகுதி எனக்கு இல்லை!

SudarSeithy

இன்று இலங்கையை வந்தடையவுள்ள கப்பல்!

SudarSeithy