15.3 C
Manchester
30 June 2022
Image default
இலங்கை

கிளிநொச்சி உணவகத்தில் உணவு வாங்கியவருக்கு அதிர்ச்சி; நீதிமன்றில் வழக்கு

கிளிநொச்சி உணவகம் ஒன்றில் வாங்கிய உணவு பொதியில் மின் கடத்திக்கூடு காணப்பட்டமை தொடர்பில் சுகாதார பரிசோதகர் ஊடாக நீதிமன்றில் வழக்கு தொடரப்பட்டுள்ளது.

கிளிநொச்சி கரடிபோக்கு சந்தியில் அமைந்துள்ள உணவகம் ஒன்றில் உணவு பொதியொன்றை நுகர்வோர் பெற்றுச்சென்றுள்ளனர். அப் பொதியில் மின்கடத்திக்கூடு ஒன்று காணப்பட்டமை தொடர்பில் கரைச்சி பிரதேச சபையினர் மற்றம் சுகாதார பரிசோதகருக்கு நுகர்வோரால் தகவல் வழங்கப்பட்டுள்ளது.

இதனையடுத்து உணவுப்பொதியில் மின்கடத்திக்கூடு காணப்படுவது தொடர்பில் உணவக உரிமையாளரிடம் வினவியபோது, அண்மையில் இலத்திரனியல் உபகரணம் ஒன்று திருத்தப்பட்டுள்ளதாகவும், அதில் காணப்பட்ட மின்கடத்திக்கூடு தவறுதலாக விழுத்திருக்கலாம் எனவும் அவர்கள் தெரிவித்தள்ளனர்.

அதோடு , தான் பொலிஸ் நிலையத்தில் கடமையாற்றியதாகவும், இவ்விடயம் தொடர்பில் உணவக ஊழியர்களிடம் வினவுவதாகவும் அவர் குறிப்பிட்டுள்ளார்.

எனினும் குறித்த உணவு பொதியை பெற்றுக்கொண்ட நுகர்வோரின் பாதுகாப்பு தொடர்பில் அவரிடம் நுகர்வோர் வினவியபோது, சம்பவம் தொடர்பில் மேற்கொள்ளக்கூடிய நடவடிக்கையை மெற்கொள்ளுமாறும் அவர் குறிப்பிட்டுள்ளார். இதனை அடுத்து இந்த விடயம் பிரதேசத்திற்கு பொறுப்பான சுகாதார பரிசோதகர் மற்றம் கரைச்சி பிரதேச சபையினரின் கவனத்திற்கு நுகர்வோரால் கொண்டு செல்லப்பட்டது.

இதனையடுத்து பொறுப்பான அதிகாரிகள் சம்பவம் தொடர்பில் விசாரணைகளை மெற்கொண்டதுடன், குறித்த விடயம் தொடர்பில் முறைப்பாட்டினையும் நுகர்வோரிடம் பெற்றுக்கொண்டனர்.

அத்துடன் இது தொடர்பில் ஆதாரங்களையும், சாட்சியங்களையும் பெற்றுக்கொண்ட சுகாதார பரிசோதகர் உணவகத்தின் சுகாதார நிலைமைகள் தொடர்பிலும் பார்வையிட்டுள்ளார். சம்பவம் தொடர்பில் நாளை அல்லது பிரிதொரு தினத்தில்கிளிநொச்சி மாவட்ட நீதவான் நீதிமன்றில் வழக்கு தொடரவுள்ளதாக தெரிவிக்கப்படுகின்றது.

Related posts

ராஜபக்சர்களின் 18 பில்லியன் டொலர்களை யாரும் பிடிக்க வில்லையே: நாமல் சவால்

SudarSeithy

வவுனியாவில் பற்றியெரிந்த எரிவாயு அடுப்பு : தவிர்க்கப்பட்ட அனர்த்தம்

SudarSeithy

யாழில் இளம் குடும்பப் பெண் தீடீர் மரணம்! பெரும் சோகத்தில் குடும்பம்

SudarSeithy