14.8 C
Manchester
3 July 2022
Image default
வாழ்க்கை முறை

நரைமுடியால் அவதிப்படுகிறீர்களா? தேங்காய் எண்ணெய்யுடன் இதை மட்டும் சேர்த்தால் போதும்

இன்றைய காலக்கட்டத்தில் நரைமுடி பிரச்சினை பெரியவர்கள் மட்டுமின்றி குழந்தைகள் உட்பட வேகமாக அதிகரித்து வருவதை நாம் அவதானித்து வருகின்றோம்.

துரித உணவு, தவறான வாழ்க்கை முறை, ரசாயனம் கலந்த ஷாம்பு போன்றவற்றின் பயன்பாடு முடி நரைக்க காரணமாகிறது.

வெள்ளை முடி பிரச்சனையால் நீங்கள் பாதிக்கப்பட்டுள்ளீர்கள் என்றால் அதற்கான சில வீட்டு வைத்தியங்களை மருத்துவர் கூறியுள்ளதை இங்கு காணலாம்.

தேங்காய் எண்ணெய் மற்றும் மருதாணி இலை

தேங்காய் எண்ணெய் மற்றும் மருதாணி வெள்ளை முடியை அகற்ற மிகவும் பயனுள்ளதாக இருக்கும். மருதாணி மற்றும் தேங்காய் எண்ணெய் முடியின் வேர்களை பலனடைய செய்ய உதவியாக இருக்கின்றது.

இந்த கலவைக்கு 3-4 ஸ்பூன் தேங்காய் எண்ணெய் எடுத்துக் கொண்டு அதில் ஒரு மருதாணி இலைகளை போடவும்.

எண்ணெய் நிறம் மாறும் வரை சூடாக்கி, பின்னர் எண்ணெயை குளிர்ந்த உடன், முடியின் வேர்களில் தடவவும்.

குறைந்தது 40 நிமிடங்களுக்கு அதை அப்படியே விட்டுவிட்டு கழுவவும். இந்த செயல்முறையை தவறாமல் பின்பற்றுவதன் மூலம், முடி கருப்பு நிறமாக மாறும்.

தேங்காய் எண்ணெய் மற்றும் நெல்லிக்காய்

தேங்காய் எண்ணெய் மற்றும் நெல்லிக்காய் ஆகியவை முடியை கருமையாக்குவதற்கு பயனுள்ளதாக இருக்கும்.

ஏனெனில் வைட்டமின் சி இருப்பதால் முடியை கருமையாக்கும் கொலாஜனை அதிகரிக்கும் திறன் அம்லாவுக்கு உள்ளது. முடி வளர்ச்சிக்கும் இது அவசியம்.

இதற்காக 3 டீஸ்பூன் தேங்காய் எண்ணெயில், நெல்லிகாய் தூளை 2 டீஸ்பூன் கலந்து, பாத்திரத்தில் வைத்து சிறிது சூடாக்கவும்.

பின்பு எண்ணெய் குளிர்ந்ததும், முடியின் வேர்களில் இருந்து இந்த எண்ணெய் கொண்டு மசாஜ் செய்ய வேண்டும். இரவு முழுவதும் விட்டுவிட்டு காலையில் ஷாம்பு போட்டு கழுவவும்.

ஆமணக்கு மற்றும் கடுகு எண்ணெய் மற்றும் ஆலிவ் ஆயில்

ஆமணக்கு மற்றும் ஆலிவ் எண்ணெயும் முடி கருமையாவதற்கு நன்மை பயக்கும். ஆமணக்கு எண்ணெயில் நல்ல அளவு புரதம் உள்ளது, இது முடி உடைவதைத் தடுக்கிறது.

மறுபுறம், கடுகு எண்ணெயில் இரும்பு, மெக்னீசியம், செலினியம், துத்தநாகம் மற்றும் கால்சியம் ஆகியவை உள்ளன, இது முடியை ஆரோக்கியமாக வைக்கும். அதன் ஊட்டச்சத்து காரணமாக, முடி கறுப்பாக இருக்கும்.

முதலில், 1 டீஸ்பூன் ஆமணக்கு எண்ணெயை 2 டீஸ்பூன் கடுகு எண்ணெயில் கலந்து சில நொடிகள் சூடாக்கவும்.

எண்ணெய் குளிர்ந்த பிறகு, முடியின் வேர்களில் தடவி 10 நிமிடங்கள் மசாஜ் செய்யவும்.

குறைந்தது 45 நிமிடங்களுக்கு அதை விட்டுவிட்டு, பின்னர் ஷாம்பூவுடன் கழுவ வேண்டும். வாரத்திற்கு 3 முறையாவது செய்தால் நல்ல பலன் கிடைக்கும்.

Related posts

உங்களுக்கு அல்சர் இருக்கா? இதனை போக்க இதோ அற்புதமான இயற்கை வழிகள்

SudarSeithy

இந்த பிரச்சனை இருக்குறவங்க தெரியாம கூட வாழைப்பழத்தை சாப்பிடக்கூடாதாம்!

SudarSeithy

உங்களுக்கு இந்த 7 அறிகுறியும் இருந்தால் சிறுநீரகம் பாதிப்பாக தான் இருக்குமாம்! இனியும் அலட்சியம் வேண்டாம்

SudarSeithy

Leave a Comment