14.8 C
Manchester
3 July 2022
Image default
இந்தியா

ATM மெஷினில் கிழிந்த நோட்டு வந்தால் என்ன செய்ய வேண்டும்? இதோ வழிமுறை

தினமும் ஏடிஎம் தொடர்பான பல்வேறு குற்றச்சாட்டுகளும் புகார்களும் வந்துகொண்டுதான் இருக்கின்றன. தொழில்நுட்ப வசதிகள் எவ்வளவுதான் இருந்தாலும் அதையும் தாண்டி பிரச்சினைகள் ஏற்படத்தான் செய்கின்றன.

ஏடிஎம்மில் பணம் எடுக்கும்போது பணம் வெளியே வராது; ஆனால் அக்கவுண்டில் அது கழிக்கப்பட்டிருக்கும். சில சமயங்களில் ஏடிஎம் மெஷின்களிலேயே செல்லாத நோட்டுகளும் வருகின்றன. இதுபோன்ற பிரச்சினைகள் ஏராளம்.

ஏடிஎம் மெஷின்களில் பொதுவாக நல்ல நோட்டுகளே வைக்கப்படுகின்றன. ஆனால் சில சமயங்களில் கிழிந்த நோட்டுகள் வருவதாகவும் வாடிக்கையாளர்கள் புகாரளிக்கின்றனர்.

அவ்வாறு கிழிந்த நோட்டுகள் உங்களுக்கு ஏடிஎம்மில் வந்தால் என்ன செய்வீர்கள்? அவ்வாறு வந்தால் கவலைப்படத் தேவையில்லை. இந்தப் பிரச்சினைக்குத் தீர்வுகாண்பதற்காகவே ரிசர்வ் வங்கி திட்டம் வகுத்துள்ளது.

உங்களுக்கு அப்படி கிழிந்த அல்லது செல்லாத நோட்டுகள் ஏடிஎம்மில் வந்தால், எந்த ஏடிஎம்மில் எடுத்தீர்களோ அந்த வங்கிக்குச் சென்று புகார் அளிக்க வேண்டும். இதற்காக நீங்கள் ஒரு படிவத்தை நிரப்ப வேண்டியிருக்கும்.

அதில் நீங்கள் பணம் எடுக்கும்போது வந்த ரசீதையும் இணைக்க வேண்டும். ஒருவேளை ரசீது வராவிட்டால் பணம் எடுத்த நேரம், கணக்கு எண் ஏடிஎம் கிளை போன்ற விவரங்களை வழங்க வேண்டும்.

நீங்கள் இந்தப் புகாரைக் கொடுத்தவுடன் வங்கி தரப்பிலிருந்து பரிசோதனை செய்யப்பட்டு, நீங்கள் வழங்கிய விவரம் சரியாக இருந்தால் நீங்கள் எடுத்த கிழிந்த நோட்டை உங்களிடமிருந்து பெற்றுக்கொண்டு வேறு நல்ல நோட்டு உங்களுக்கு வழங்கப்படும்.

Related posts

தாயுடன் தனியாக வசித்து வந்த நிலையில் கர்ப்பமான 19 வயது கல்லூரி மாணவி! பின்னர் நடந்த அதிர்ச்சி சம்பவம்

SudarSeithy

தூக்கில் தொங்கிய 11 பேர் அடங்கிய மொத்த குடும்பம்! உலகளவில் அதிர்வலையை கிளப்பிய நிகழ்வின் உண்மைகள்

SudarSeithy

கணவரை விவகாரத்து செய்து மாமனாரை திருமணம் செய்து கொண்ட பெண்! பொலிசாரிடம் சொன்ன காரணம்: அதிர்ச்சியில் குடும்பத்தினர்

SudarSeithy

Leave a Comment