12 C
Manchester
20 October 2021
Image default
உலகம்

பட்டினியில் குடும்பம் வாடுகிறது… என் பிள்ளையை விற்கப் போகிறேன்: ஆப்கன் தந்தையின் கண்ணீர்

மொத்த குடும்பமும் பசியால் வாடுகிறது என்பதால் தமது மகளை விற்க தயாராகி வருவதாக ஆப்கானிஸ்தான் தந்தை ஒருவர் கண்ணீருடன் தெரிவித்துள்ளார்.

இதனால் தமது 4 வயது மகளை 420 பவுண்டுகளுக்கு விற்க முடிவு செய்துள்ளதாக அந்த தந்தை தெரிவித்துள்ளார். தாலிபான்களின் கீழ் நரக வாழ்க்கையை எதிர்கொள்ளும் மில்லியன் கணக்கான மக்களில் மிர் நசீர் என்பவரும் ஒருவர்.

நாட்டைவிட்டு வெளியேற முடியாமல், தாலிபான்களின் கொடுங்கோல் ஆட்சியுடன் பொருத்தப்படவே மிர் நசீர் முடிவு செய்துள்ளார். பணவீழ்ச்சி காரணமாக பொருளாதாரம் மொத்தமாக ஸ்தம்பித்துப்போயுள்ள நிலையில், மக்கள் உயிர் வாழ தங்களிடம் இருக்கும் பொருட்கள் மொத்தமும் விற்கும் நிலைக்கு தள்ளப்பட்டுள்ளனர்.

இந்த நிலையில், 38 வயது முன்னாள் பொலிஸ் அதிகாரியான மிர் நசீர் தமது மகளை விற்கும் பரிதாப நிலையில் உள்ளார். பிள்ளைகள் இல்லாத ஒரு கடை ஊழியருக்கு தமது 4 வயது மகளை மிர் நசீர் விற்கலாம் என்ற முடிவுக்கு வந்துள்ளார்.

சொந்த பிள்ளையை விற்கும் இழி நிலையை விட சாவதே மேல் என்பது எனக்கு தெரியும் என கூறும் மிர் நசீர், ஆனால் எனது சாவால் குடும்பத்தின் பட்டினி தீர்ந்துவிடப் போவதில்லை என அவர் குறிப்பிட்டுள்ளார்.

ஆப்கன் பணத்தில் தமக்கு 20,000 தருவதாக அந்த நபர் வாக்குறுதி அளித்ததாகவும், தமது 4 வயது மகள் சஃபியா இனி அவருடன் வாழ்வதுடன் அவரது கடையில் பணியும் செய்வார் என மிர் நசீர் தெரிவித்துள்ளார்.

ஆனால் குறைவான தொகைக்கு தமது மகளை விற்பதாக இல்லை எனவும், அதனால் 50,000 கேட்டிருப்பதாகவும், இறுதியான முடிவு எட்டவில்லை எனவும் மிர் நசீர் தெரிவித்துள்ளார்.

Related posts

இந்த நாடு மிக விரைவில் பசி பட்டினியில் சாகக்கூடும்! ஐநா அதிர்ச்சி தகவல்

SudarSeithy

ஆயிரம் நாட்களுக்கு பின்னர் காவலில் வைக்கப்பட்டிருந்த இரு கனேடியர்களை விடுவித்த சீனா!

SudarSeithy

காபூல் விமான நிலையத்தில் நடந்த நெகிழ்ச்சி சம்பவம்

SudarSeithy